تقشير البشرة

 صباحكم جميل

احنا النهاردة هنتكلم شوية عن موضوع يهم ستات وبنات كتيير،
لاحظنا ف الفترة إللى فاتت اهتمام الستات بعملية تقشير البشرة عشان تكون بشرتهم صحية وجميلة ،وبيصرفوا كتيير على الحاجات دى ، فحبينا نقدم طريقة لعمل تقشير البشرة ف البيت ،
وعشان فيه بنات كتيير بيكون وشها بايظ وعايزة تحسن منظر بشرتها وتعمل تقشير كميائي خفيف ف البيت.
كدا هنفكر فى حاجتين:
أول حاجة منهم اسمه Glycolic acid وده متوفر ف الصيدليات وأسمه Glyco A وكمان مستحضر تانى اسمه Turn-over .
الحاجة التانية هى مرهم موضعى مشتق من فيتامين A وليه اسماء كتيرة فى الصيدليات منهم Tretinoin و Adopolene و Tazarotene ودول كريمات ممكن نستخدمها لتقشير البشرة .
طيب نيجى المهم، ازاى طريقة الاستخدام
اول حاجة الواحدة تغسل وشها كويس وتجففه وبعد حوالى ١٠ دقائق تحط الكريم من إللى قولنا عليهم من شويه وتوزيعه ع وشها بالكامل وتعمل تدليك خفيف حتى اختفاء أثر الكريم ، ولازم تطفئ النور وبعد ربع ساعة تغسل وشها وتكرر الحكاية دى كل ليلة لمدة أسبوعين،
الكريمات دى بتعمل لسعان وحرقان وشوية وجع وألم وده شيء طبيعى ، وكمان بتعمل شوية جفاف للبشرة ، عشان كدا بعد غسيل الوجه يفضل تدهن الوجه بكريم مرطب زى البانثينول، وكمان الكريمات إللى بتستخدم للتقشير دى بتزود الحساسية للشمس لذلك بيكون افضل وقت لعمل التقشير ف الشتا والخريف،
والكريمات دى فكرتها بسيطة اوووى ، عشان ما تزهقوا لو عايزين تعرفوا ممكن نبقى نكتبها ف تعليق ع البوست .
اخيرا يبقى اسم الكريمات ف الصيدليات هنكتبها بالعربى هى
جليكو A بتركيز ١٢%
تيرن اوفر
تازاروتين
ادابولين
تريتنوين
ومعاهم مرطب للبشرة زى البانثينول.
صباحكم كله صحة وجمال.
#مركز_الفيروز_الطبي